प्रतिनिधिसभाका लागि एक सिट मात्रै रहेको डोटीमा वाम गठबन्धन (एमाले) का उम्मेदवार प्रेम आले मगर विजयी हुनुभएको छ ।
आले मगर निकटतम प्रतिद्वन्द्वी नेपाली काँग्रेसका उम्मेदवार वीरबहादुर बलायरलाई एक हजार ६३२ मतान्तरले हराउँदै विजयी हुनुभएको हो । उहाँले ३२ हजार ५१० मत प्राप्त गर्नुभएको छ । उहाँका प्रतिद्वन्द्वी बलायरले ३० हजार ८७८ मत प्राप्त गर्नुभयो ।
दुई प्रदेशसभा रहेको डोटीमा प्रदेशसभा (क) बाट नेपाली काँग्रेसका भरतबहादुर खड्का विजयी हुनुभएको छ भने (ख) बाट माओवादी केन्द्रका त्रिलोचन भट्ट विजयी हुनुभएको छ ।
